यौनशिक्षा आवश्यक

 नेपालमा पर्याप्त मात्रामा यौनशिक्षा दिइँदैन। यौनलाई गोप्य विषय मानेर बालबालिकालाई यसबाट टाढा राख्ने संस्कारका कारण किशोर-किशोरी विविध प्रकारका समस्या झेल्न विवश छन्।
अज्ञानताका कारण भोग्नुपर्ने हानि कम गर्ने एक मात्र उपाय पर्याप्त ज्ञान दिनु हो। त्यसैले आमाबुवाले नै छोराछोरीलाई यौनका विषयमा जानकारी गराउनुपर्छ। अज्ञानताका कारण जोखिम बेहोर्नुभन्दा संकोच त्यागेर ज्ञान प्रदान गर्नु बुद्धिमानी हुन्छ। अबका बालबालिका धेरै बाठा भैसकेका छन्। उनीहरूलाई उपयुक्त ज्ञान दिएर ठीक बाटोमा नहिँडाउने हो भने बिग्रने सम्भावना बढ्छ। त्यसकारण यौनशिक्षा पाठ्यक्रममा पनि पर्याप्त मात्रामा समावेश गराउनुपर्छ र

 अभिभावकले पनि लाज नमानी वास्तविक कुरा सिकाउनुपर्छ।